Fundi i intervistës së Sokol Ballës me Edi Ramën, të hënën mbrëma në Berat, pati një të papritur që u shndërrua në një detaj mjaft interesant, në këtë muaj ku Ramazani përkoi me muaj elektoral, siç dhe Fitër Bajrami përkon me ditën e zgjedhjeve.
Në fund të intervistës, në sfond dëgjohen ezani i thirrur nga xhamia historike e qytetit të “njëmbinjë dritareve”, ajo e “Beqarëve”.
Balla ndërhyn duke e quajtur gabimisht por pafajësisht “muzikë” dhe i kërkon Ramës që, meqë është dhe Ramazan, të përcjellë dhe një urim për muslimanët.
Përgjigja e kryeministrit ishte: “Jam i pranishëm rregullisht në iftare dhe e kam merak vetë atë punë. Por mos e përfshijmë Ramazanin në fushatë elektorale”. /tesheshi.com/
