Policia hungareze ka publikuar detajet e tragjedisë të së enjtes në ujrat e Danubit në Budapest, ku shtatë persona – turistë kanë humbur jetën dhe 21 të tjera janë të humbur.
Sipas versionit policor, ka qenë një përplasje mes anijes së vogël tip barke që mbante turistët gjatë një shëtitjeje, me një tjetër anije të madhe, ndodhur kjo poshtë një prej urave.
Dhe ç’është më e rëndësishme, anija me turistë është mbyt në 7 sekonda.
Një ekspert vendas tha se për shkak të temperaturës së ulët të ujit dhe rrymave të forta, pasagjerët që ishin në ujë dhe u zhdukën, mund të mbijetonin jo më shumë se 10 minuta.
“Anija u përmbys dhe u mbyt në kohën kur në kuvertë kishte rreth 20 persona dhe në kabina afro dhjetë të tjerë”, tha një nga të mbijetuarit.
Ekspertët thonë se në anijet me turistë të cilat ofrojnë ture të shkurtëra, zakonisht nuk kanë udhëzime të sigurisë dhe pasagjerët nuk mbajnë xhaketa shpëtimi. /tesheshi.com/
