Seanca e jashtëzakonshme parlamentare ka zgjatur vetëm 10 minuta.
Pas mosparaqitjes së opozitës në konferencën e kryetarëve, kreu i grupit parlamentar të PS-së, Gramoz Ruçi ka propozuar që t’i jepet sërish Avokatit të Popullit 7 ditë kohë për të shqyrtuar kandidaturat e komisioneve të Vetingut.
Ruçi sqaroi se aktualisht janë vetëm 21 kandidatë që kanë kaluar garën, ndërkohë që duhet të zgjidhen 28 emra.
Një pjesë e kandidatëve, tha Ruçi, nuk kanë plotësuar dokumente procedurale dhe ndaj janë skualifikuar.
“Përsëri t’i japim 7 ditë kohë dhe kuptohet që rendi i ditës është pas një jave pasi të përfundojë ky proces. Kjo punë të bëhet tamam siç e kemi nisur. Komisioni Ad-Hoc të ketë jo vetëm 21 kandidatë për 28 vende por edhe 100 apo më shumë”.
Pas Ruçit, Meta ka mbyllur seancën duke paralajmëruar se të hënën e ardhshme do të tentohet sërish të votohet Vettngu.
Ka gjasa që në këto ditë të tentohet negocimi me PD-në. /tesheshi.com/
