Kreu i diplomacisë serbe Ivica Daciç, ka përcjellë së fundi mesazhe cinike në adresë të faktorit ndërkombëtar, duke marrë si shkas mbështetjen e këtij të fundit ndaj Kosovës.
“Përse nuk ia hiqni vizat Kosovës?” – ka pyetur ai, duke ofruar një qasje kritike ndaj Europës, edhe me pretendimin se është pikërisht ajo që po tregohet cinike.
“Ju (europianët) po i doni ata por nuk e kuptoj pse nuk po ua liberalizoni vizat që ata mund të udhëtojnë lirshëm. Nuk e di pse bëheni cinikë; i doni por nuk jua jepni liberalizimin e vizave. Sepse ju nuk dëshironi që ata të vijnë e mbesin atje. Ne p.sh jemi për liberalizimin e vizave sa që edhe autobusët do jua paguajmë. Ne njihemi me shekuj dhe e dime se çfare mendoni. Nuk mund të na mashtroni…”, është shprehur Daçiç.
Sipas tij, Shqipëria e Madhe është tashmë një realitet.
“Shqiptarët po e bëjnë punën e vet. Ata janë duke e bërë Shqipërinë e Madhe. Vetëm le ta bëjnë këtë në llogari të dikujt tjetër”, ka thënë kreu i diplomacisë së Beogradit. /tesheshi.com/
