Deputeti ukrainas, Oleksiy Goncharenko dorëzoi një rezulotën në Parlamentin e Ukrainës për të njohur pavarësinë e Kosovës, pasi siç argumentoi, kjo është koha ku po njihen miqtë dhe armiqtë e vërtetë.
“Ka disa reagime brenda shtetit, pjesa më e madhe janë mbështetëse ndaj kësaj rezolute, edhe në media është mbuluar. Sa i përket kolegëve të mi, një pjesë e tyre më kanë kontaktuar për të thënë se më mbështesin. Asnjë deri në këtë moment nuk më ka thënë se nuk e mbështet këtë rezolutë”, theksoi ai në një intervistë për Euronews Albania. Por më tej, Goncharenko shtoi se ka marrë kërcënime nga serbë për aktin e tij politik.
“Nga Kosova njoh shumë njerëz që më mbështesin dhe më shkruajnë, pjesa më e madhe nga rrjetet sociale. Ka edhe nga Serbia të cilët kanë reaguar, pjesa më e madhe e tyre kanë nisur kërcënime, por mua kjo nuk më intereson”, theksoi ai. /tesheshi.com/
