Deputeti demokrat Florian Mima, ka zbardhur një prej arsyeve se pse ka ndodhur së fundi një acarim mes kryeministrit Rama dhe deputetit të djathtë Dashamir Shehi.
Enkeleda Shehi, ish-drejtoresha e shkarkuar e Autoritetit të Mbikqyrjes Financiare, bashkeshorte e Shehit, siduket është dhe shkaku i prishjes së një raporti mes tyre, të cilin, edhe pse nga pozita politike kundërshtare, e kanë ruajtur gjatë viteve në nivel miqësor. Madje vite më parë, kur Rama drejtonte Tiranën i bëri një ofertë publike Dash Shehit për ta patur në stafin e tij, por që ky i fundit nuk pranoi.
Ja ç’tha deputeti Mima për rastin në fjalë:
“Në Tiranë vazhdon ERTV-estrada e re televizion dhe thotë në një emision humoristik pse duhet hequr nga puna nusja e deputetit të opozitës Z. Dashamir Shehi, një eksperte e profesionit të saj, për t’u zëvendësuar me një rilindas. Thotë që bën konkurs dhe zgjedh pikërisht bashkëshorten e tij”, ishte deklarata e Mimës.
Javë më parë, deputeti Shehu u shpreh kundër investimeve turke në Shqipëri. Kryeministri Rama iu përgjigj me gjuhë përtallëse në parlament, e pot ë njëjtën gjë tentoi të bënte dhe Shehi pak ditë më pas. /tesheshi.com/
