Ka një muaj qëkur deputetët e VMRO-DPMNE-së po bllokojnë Kuvendin e Maqedonisë me fjalime procedurale në mënyrë që të pamundësojnë votimin për shkarkimin e Prokurorit Publik, Marko Zvërlevski
Këto veprime të VMRO-së sipas koordinatorit të grupit parlamentar të deputetëve të LSDM-së, Tomisllav Tuntev, ngjasojnë me ndodhitë e dhunshme të 27 prillit ku për kryetar parlamenti u zgjodh Talat Xhaferi. Sipas tij, si atëherë edhe kësaj rradhe VMRO është e gatshme të bëj çmos vetëm të bllokojë proceset reformuese të qeverisë së re.
Ai më tutje paralajmëroi se shumica parlamentare nuk do të marrë pjesë në “debatin e pakuptimë” të VMRO-së, qëllimi i të cilëve është zvarritja e procedurës për shkarkimin e Marko Zvërlevskit.
“Të gjithë kemi hequr dorë nga diskutimet tona që sa më shpejtë të mbarojë kjo parodi rreth shkarkimit ligjor të prokurorit shtetëror. Kjo çfarë ndodh tani, kjo gjuhë e urrejtjes, më shumë ngjan në prillin, shpresoj që kolegët e opozitës do të ndalojnë dhe sa më shpejtë të fillojmë me procedurën për emërimin e prokurorit të ri”, tha Tuntev. /tesheshi.com/
