Për dallim nga KQZ që në konferencën e parë tha se të gjitha vendvotimet janë hapur me kohë, koalicioni i organizatave jo qeveritare “Demokracia në Veprim”, e thotë të kundërtën.
Albert Krasniqi, përfaqësues i DnV, në një konferencë për media tha se në bazë të raportimeve të vëzhguesve që kanë në teren në 165 vendvotime ka pasur vonesa deri në 20 minuta kjo pasi nuk kanë ardhur materialet më kohë.
Sipas Krasniqit, në 3.4% të vendvotimeve ka pasur materiale propaganduese.
Ai ka sqaruar se në shkollën “Gjin Gazulli” në Prishtinë ka pasur militant të koalicioneve si të PAN-it ashtu edhe të LDK-AAK-Alternativa.
Kujtojmë se procesin e sotëm zgjedhor do ta vëzhgojnë rreth 30 mijë vëzhgues nga organizata vendore e ndërkombëtare, media vendore e ndërkombëtare. /tesheshi.com/
