Çështja e pazgjidhur e Demarkacionit me Malin e Zi ishte një ndër çështjet e trajtuara nga kryeministrat Edi Rama dhe Ramush Haradinaj.
Rama i ka thënë homologut kosovar se duhet të heq këtë pengesë sa më shpejt në mënyrë që të hapet rruga drejt BE-së, ndërsa ka dhënë edhe një porosi për kreun e LDK-së Isa Mustafa.
“Ndajmë shqetësimin tonë për demarkacionin e kufirit mes Kosovës dhe Malit të Zi, proçes i cili po krijon jo pak probleme me bashkësinë ndërkombëtare, e cila ka qenë dhe mbetet garanti kryesor i Kosovës. Kosova s’ka interes të humbasë miq.
Interesi i Kosovës është zgjidhja e këtij problemi që është kthyer në ngërç për rrugën drejt BE. Haradinaj kërkon pak kohë që të ndahet nga pozicioni opozitar, dhe nuk do të doja nga Mustafa që të mos e pranojë këtë marrëveshje që e përkrahte deri dje. Është problem i brendshëm i Kosovës”, ka thënë Rama.
Kurse Haradinaj ka thënë se qeveria e tij do mundohet t´a zgjidhë këtë çështje.
“Kosova ka lidhje të mira me Malin e Zi. Kemi 20 vjet që s´jemi koritur dhe ne i kemi përkrahur ata. Demarkacioni është një situatë ku Kosova po proçedon në përputhje me situatën e re politike.
Deri atëherë interesi ynë është që raportet me Malin e Zi t’i forcojmë”, tha Haradinaj. /tesheshi.com/
