“Qeveria turke ka shumë gjynahe për të larë”, ka guxuar të thotë një prej deputetëve herë herë me një delirantizëm që e shpie deri në naivitet, Dashnor Sula i Peqinit, duke folur për tërmetin në Turqi.
Sula shkruan në rrjete se “ngjarje të tilla ndodhin, por çdo njëri duhet të kuptojë që duhet të besojë në Zot, që nga ai kryeministri turk dhe qeveria turke për të cilin kam rezerva”, duke i dhënë vetes atribute tej kapaciteteve që posedon, sigurisht dhe politike pos kulturore në sferën e të menduarit.
Ai shton më tej se tërmeti ka prekur një zonë që i përket kurdëve, mesa duket për të nënkuptuar politikat e ashpra të Turqisë ndaj popullsisë kurde.
“Keqardhje për të gjithë popullin turk. Ngjarje të tilla ndodhin, por çdo njëri duhet të kuptojë që duhet të besojë në Zot, që nga ai kryeministri turk dhe qeveria turke për të cilin kam rezerva.
Duhet të kuptojë se kjo botë të sprovon me ngjarje të dhimbshme. Jo vetëm kur kemi ngjarje të tilla duhet t’i drejtohemi Zotit dhe të tregojmë njerëzillëk. Njerëzillëk duhet treguar edhe në kohë paqeje dhe normaliteti.
Qeveria turke ka shumë gjynahe për të larë, e keqja është që i bie popullsisë. Popullsia në zonën ku ka rënë tërmet i përket zonës kurde, ndaj të cilëve ka qenë shumë e madhe”, shprehet deputeti Sula, ku vetëm në fjalitë që kanë kryefjalë Zotin nuk ia fut kot.
Dhe e thotë këtë për një njeri e një qeveri që u ka ndërtuar banesa 500 familjeve shqiptare që e pësuan nga tërmeti i fundvitit 2019.
Dash, me e pakta falendero para se të kritikosh! /tesheshi.com/
