Sot rreth orës 04:00, policia ka marrë informatën se në fshatin Llapushnik komuna e Drenasit, respektivisht në lagjen “Sopi” një objekt është përfshirë nga zjarri.
Në vendin e ngjarjes kanë dalë të gjitha njësitë e nevojshme policore për të menaxhuar me situatën, zjarrfikësit, zyrtarë për hetimin e shkaqeve të zjarrit nga departamenti i emergjencave si dhe zyrtari për hetimin e faktorëve dhe shkaqeve të rrymës.
Fatmirësisht përveç dëmeve materiale nuk ka të lënduar.
Kjo ka ndodhur në lagjen Sopi të cilët janë të konvertuar në katolik dhe reagimet e para kanë dalë se kjo është bërë me qëllim.
Por sipas raporteve të njësisë hetimore dhe ekzaminimeve del që zjarri është shkaktuar nga energjia elektrike.
Lidhur me këtë ka reaguar Kryesia e BIK-ut, e cila kërkon nga organet kompetentet që sa më parë të ndriçojnë rrethanat e djegies së pronës në Llapushnik, ndërsa në të njëjtën kohë apelon te të gjithë që mos të predikojnë motivet e aksidentit pa pasuar versioni zyrtar nga organet kompetente.
“Populli ynë dhe bashkësisë tona fetare historikisht kanë qenë të përkushtuar në kultivimin e tolerancës e mirëkuptimit ndërfetar e ndërnjerëzor e mbi të gjitha mirëkuptim ndërvëllazërorë.
Mbesim të përkushtuar që këto vlera të popullit tonë për asnjë motiv të mos cenohen”, përfundon reagimin e tyre BIK-u.
