Intervista/Flet juristi i njohur, ish-zv.ministri i drejtësisë, Sokol Hazizaj
“Dekrimializimi i politikës nuk mund të bëhet me slogan, por duhet ndryshuar Kodi Zgjedhor. Nëse duan ta bëjnë kjo mund të zbatohet shumë shpejt”. Është juristi i njohur, ish-zv.ministri i Drejtësisë Sokol Hazizi, i cili një një intervistë për “tesheshi.com”, sqaron se si mund të bëhet konkretisht ajo që tashmë është bërë pjesë e një Komisioni të Posaçëm Parlamentar…Hazizaj, pedagog në Fakultetin e Drejtësisë thekson se gjithçka duhet bërë në zbatim të Kushtetutës.
Zoti Hazizaj, ka nisur tashmë Komisioni Parlamentar për dekriminalizimin e Politikës. Ju e shikoni një nismë që mund të konkretizohet apo thjesht si një pjesë e luftës politike?
Shikoni, problemi është se kemi të bëjmë më shumë me një debat në kuadrin e propogandës dhe ende nuk ka një plaftormë të qartë që mund të analizojmë. Por nëse do të ketë një vullnet politik kjo zgjidhet thjesht dhe shpejt para se të zhvillohen zgjedjet locale, në mënyrë që të kemi kryetarë bashkish dhe këshilltar me një skedë të pastër dhe të pakontenstueshëm.
Pra ju thoni që kjo bëhet për të zgjedhurit jo aktualë por ata të rinj?
Po padyshim, nëse duam të zgjidhim këtë gjë. Nëse duam të bëjmë demagogji flasim e flasim por nuk prodhon gjë. Nëse nuk ndërhyhet tani në kod, debate do të shtrihet edhe më tej dhe nuk do të kemi të paktën një hap konkret për t’I dhënë shqiptarëve njerëzit që të paktën nga ana ligjore nuk kanë problem penaliteti. Duhet të ndryshohet Kodi zgjedhor në mënyrë që të përcaktohet qartë se nuk mund të zgjidhet në organet e qeverisjes vendore apo dhe në Kuvendin e Shqipërisë, individë për të cilët jo thjsht të mos ketë një dënim për kohën aktuale, por nuk mund të zgjidhen të gjithë ato për të cilët zyrtarisht ka pasur nga Prokuroria një çështje penale në ngarkim të tij. Pra çështja penale bëhet fjalë për vepra të karakterit përcaktimior, pra vepra që hyjnë në krimin kundër personit apo vepra që hyjnë në krimin ndaj pronës. Sepse shikoni ne mund të flasim gjithë ditën që të largojmë ata njerëz që në zhargonin public quhen “të fortë” por harrojmë se kemi të bëjmë edhe me “të butët” që mund të kenë kryer krime apo ka pasur çështje për kryerjen e krimit të shpërdorimit të detyrës, përvetësimit të pasurisë apo mashtrimit.
Neni 46 i Kushtetutës, pika 2 e përcakton zbatim qartë: “se përjashtohen nga e drejta e zgjedhjes shtetasit e deklaruar me vendim gjyqësor të formës së prerë si të paaftë mendërisht”. Pra ligji themeltar i shtetit ka përxaktuar në frymë dhe në germë të drejtën universal të zgjedhjes dhe kjo nuk mund të preket në asnjë mënyrë, por duhet të bëjmë një amendim të përcaktuar që në zbatim të këtij neni nuk do të krijojë një hendek ligjor të nevojshëm për të mos bërë pis politikën.
Pra kush duhet të zgjidhet të paraqesë dëshmi penaliteti. Kjo është edhe tani?
Ndryshimi që e përcktova më lart është se nuk bëhet fjalë për thjesht një dëshmi administrative, por duhet një certefikim nga organet e drejtësisë, në mënyrë që jo thjesht të vërtetojmë se personi nuk është i dënuar në atë moment kur paraqitet, por duhet të vërtetohet nga organet e drejtësisë që mbi këtë person nuk ka pasur historic të ndjekjes penale apo dënimit penal gjatë veprimtarisë së tij. Në dukje është një masë moraliste, por realisht është një profilaksi ligjore, të cilën ligjvënëse i harton në frymë të Kushtetutës, duke garantuar një system politik të pastër dhe pa problem penale. Kjo është zgjidhja e vetme dhe duhet ndërhyrë shpejt pa u vonuar në Kodin Elektoral sepse po afrohen zgjedhjet vendore. Nuk ka nevojë për shovv politik dhe gjueti shtrigash por për stanrdarde të përcaktuara, të cilat normalisht do të vigjëlohen nga organi(që nga 2008 jo kushtetues se e hoqën) përkatës që është Komisioni Qendror i Zgjedhjeve.
Zoti Hazizaj ne flasim për dekriminalizim nga ata që i quajmë “të fortë” por a nuk përbën hipokrizi ajo që thuhet se vetëëm një kategori përjashtohet dhe lihen në politikë shumë syresh që kanë zhvatur, abuzuar apo dhe mashtruar me postin dhe fondet publike?
Shikoni, pikërisht këtë e kam përmendur më lart. Këto vepra që përmendët ju janë pjesë e harkut penal që duhet të përcaktohet në Kodin Zgjedor. Dhe ndërhyrja ligjore është universal që nuk vepron vetëm për një kategori shkelësish por edhe për atë pjesë të politikës që opinion publik e nxjerr nga dera dhe ata hyjnë nga dritarja. Ne duhet ta mbyllim këtë portë. Me ligj natyrisht. Më pas nuk ka fjalë as kemi nevojë për administratë për ta zbatuar sepse secili është i detyruar ta bëjë gjithçka publike dhe legale.
Ju faleminderit
(tesheshi.com)
