Ministri i Rendit, Fatmir Xhafaj ka reaguar në lidhje me deklarimet e kreut demokrat Basha, sipas së cilit në disa magazina në Durrës dhe Lezhë.
Xhafaj thotë se menjëherë ka vënë në lëvizje policinë e njëherësh i është drejtuar Prokurorit të Përgjithshëm që të hetojë mbi faktet e ofruara nga kreu i opozitës. Por Xhafaj nga ana tjetër thotë se deklarimet e Bashës nuk po rezultojnë të vërteta nga sa po verifikohet në terren. Kreu i Rendit gjithashtu hedhë poshtë akuzat që i bëhen atij dhe policisë si të implikuar me kultivimin e drogës në vend.
“Unë distancohem prerë nga këto insinuata të rreme ndaj personit tim. Une kam marr përsipër të gjithë përgjegjësinë ligjore për të përmbushur detyrën sipas ligjit, duke shprehur gatishmërinë nëse është e nevojshme edhe për të dhënë deklarimet sipas ligjit procedural penal.
Përbaltjet e qëllimshme ndaj punës së njerëzve të ndershëm në rradhët e Policisë së Shtetit, deklarimet e papërgjegjshme që synojnë të shmangin angazhimin e saj nga përballja me objektivat reale të luftës kundër krimit krijojnë kosto financiare, fizike e morale për Policinë e Shtetit dhe nuk i shërbejnë stabilitetit të vendit”, shprehet ministri i Rendit. /tesheshi.com/
