Kryeministri Edi Rama reagoi për deklaratën e presidentit të zgjedhur, Ilir Meta në Lezhë, duke thënë se ai do të armatoste qytetarët nëse policia nuk kapte zagarët që kanë dhunuar mbështetësin e LSI-së.
Rama tha se ndjehet i keqardhur dhe i sëkëlldisur kur dëgjon ulërima dhe kërcënime.
“Më vjen shumë keq, shumë zor. Ndihem shumë i sëkëlldisur kur shikoj gjëra që nuk do donim ti shihnim, kur dëgjoj gjëra që shqiptarët nuk do donin ti dëgjonin më çjerrje, ulërima dhe kërcënime. Por Shqipëria që duam nuk është Shqipëria e ulërimave, kërcënimeve dhe e partive të tepsisë së pushtetit. Duam shtet për çdo shqiptar, për çdo prind e për çdo familje pavarësisht bindjeve politike. Shqiptarët janë të lirë të kenë bindjet e tyre por shteti është i detyruar t’iu shërbejë të gjithëve”, tha Rama.
Këtë deklaratë Rama e bëri gjatë një takimi elektoral që zhvilloi në qytetin e Lezhës.
Nga ana tjetër është për tu theksuar fakti se ky nuk është reagimi i parë i ashpër i bwrw gjatë ditës së sotme nga kryesocialisti.
Rama më hërët me anë të një statusi në “Facebook”, i është përgjigjur me një gjuhë të ashpër ish- aleatit të tij, lidhur me një intervistë që Meta kishte dhënë në një television grek.
Kreu i qeverisë e ka cilësuar intervistën si turp dhe më tej është shprehur se Meta ka folur si të ishte ekstreminst i vendit fqinj.
Ky reagim i kryeministrit erdhi pasi ish-kreu i LSI-së, ishte shprehur se marrëdhëniet e tij me Ramën janë si marrëdhëniet e kreut të qeverisë me Greqinë./tesheshi.com/
