Ministri teknik në qeverinë Rama, ai i Rendit Dritan Demiraj, ka bërë një deklaratë të bujshme në Top Story duke thënë se “Rama 2” do e gjejë vendin të pastruar nga kanabisi.
“Nuk mendoj se do të ketë nevojë për zotin Rama që në 100 ditët e para të luftojë hashashin, pasi do ta ketë të pastruar vendin kur të marrë mandatin e dytë. 100 ditët e para të kishte një prioritet që ta motivonte më mirë policinë, përmes rritjes së pagave”, tha Demiraj në intervistën e tij me gazetarin Sokol Balla, si për t’ia dedikuar dhe vetes këtë meritë, duke e ndarë gjithsesi atë me shefin e tij socialist.
Demiraj, i futur nga Basha në kabinetin Rama për të bërë “rojen e zgjedhjeve”, preferoi më mirë të shndërrohej në një “hero anti-kanabis” duke u investuar fort në pastrimin e territorit shqiptar nga droga.
Dhe shenjat janë që ai do jetë këtej e tutje pjesë e vizionit qeverisës “Rama 2”, jo domosdoshmërisht në krye të Rendit. /tesheshi.com/
