Bashkimi Evropian dëshiron të shmangë një luftë tregtare me Shtetet e Bashkuara, por është e gatshme për të mbrojtur interesat e saj dhe për t’iu përgjigjur SHBA-ve me kundërmasa çdo vendimi të njëanshëm – tha të enjten ministri gjerman i Ekonomisë, Peter Altmeier.
“Unë mendoj se luftërat në përgjithësi nuk janë një ide e mirë, as një tregti, sepse në fund të gjithë do të humbasin”, tha Altmeier në një shfaqje televizive ZDF.
“Prandaj, qëllimi dhe interesi është që të shmanget kjo luftë tregtare”, tha ai, duke shtuar se konflikti i BE-së me SHBA duhet të zgjidhet me marrëveshje për tarifa më të ulëta.
“Por nëse Uashingtoni vendos për të rritur në mënyrë të njëanshme tarifat, Brukseli do të përgjigjet me kundërmasat e saj”, tha ministri gjerman, duke shtuar se “të gjithë duhet ta dijnë se kjo bëhet për të mbrojtur interesat tona”.
Presidenti Donald Trump tha në shkurt se Shtetet e Bashkuara do të vendosin detyrime mbi importet e makinave evropiane nëse nuk bien ë dakord për një marrëveshje tregtare me Bashkimin Evropian.
“Ne po përpiqemi të arrijmë një marrëveshje”, tha presidenti i SHBA, duke shtuar se “ata (BE) janë shumë të vështirë”.
“Nëse nuk pajtohemi për marrëveshjen, ne do të aplikojmë detyrimet doganore”, tha Trump. /tesheshi.com/
