Real Madrid dhe Chelsea kanë arritur marrëveshje për Eden Hazard. Sulmuesi belg ka nënshkruar kontratë për pesë vite dhe do të jetë pjesë e Real deri me 30 qershor 2024.
Shuma e transferimit ende nuk është zbuluar, por sipas disa burimeve, Mbretërit dhe blutë e Londrës kanë rënë dakord për një çmim prej 100 milionë eurosh që spanjollët duhet ta paguajnë për transferimin e belgut plus bonuse.
Këtë sezonë Hazard ka shënuar 21 gola dhe ka bërë 17 asistime për Çelsin, ndërsa u përshëndet me tifozët pas triumfit në Ligën e Evropës.
Pas shtatë sezonave te Chelsea, Hazard largohet me dy tituj të fituar të Premier Legaue-s, dy kupa të Europa League, një FA Cup dhe një Kupa të Ligës.
Pas finales së Europa League, Hazard tha thënë: “Mendoj se është koha të përshëndetem me tifozët dhe klubin, ëndrra ime ishte të luaja në Premier League, e kam bërë për shtatë vjet, ndoshta është koha për një sfidë të re”.
Eden Hazard do të prezantohet me 13 qershor në “Santiago Bernabeu”.
Real po ashtu ka njoftuar se ka nënshkruar edhe me serbin Luka Joviç. 21-vjeçari Joviç, i cili shënoi 17 gola në 32 ndeshje në Bundesligë për Eintracht Frankfurt sezonin e kaluar, ka rënë dakord për një marrëveshje 6-vjeçare me madrilienët pas kryerjes me sukses të testeve mjekësore. Marca njoftoi se klubi ka paguar 60 milionë euro plus bonuse prej 5 milionë eurosh, me 30 për qind të shumës së transferimit që do të shkon të Benfika, ish-klubi i Joviçit. /tesheshi.com
