Kandidati republikan për t’u nominuar në garën e Shtëpisë së Bardhë, miliarderi Donald Trump e ka gjetur veten nën zjarr të kryqëzuar në debatin e ashpër brenda kampit për presidencialet e 2016.
Favoriti i deritanishëm, si rezulton nga sondazhet, i cili nuk ka eksperiencë politike, por miliarda dollarë, refuzoi të kërkonte ndjesë për disa nga gafat e tij të kohëve të fundit, si p.sh për komentet ndaj gruas së Jeb Bush, apo për ato rreth dukjes së kandidates tjetër republikane, Carly Fiorina.
Deklaratat e tij arrogante duket se e kanë fokusuar të gjithë debatin mbi të. Ai nuk kërkoi ndjesë kur Jeb Bush i tha të kërkonte ndjesë për komentin se ai ishte tolerant ndaj emigrantëve për shkak se gruaja e tij është meksikane, apo kur i pyetur për kandidaten Fiorina ai bëri komentin: Shikoni se çfarë fytyre ka.
Tashmë, një vit përpara zgjedhjeve presidenciale, në kampin republikan gara është e fortë me 15 kandidatë që përpiqen të marrin miratimin e partisë për të përfaqësuar republikanët në garën e Shtëpisë së Bardhë.
Pika kulmore e natës së debatit ishte ajo kur kandidatja Firoina u pyet në lidhje me komentin e Trump se ajo nuk mund të ishte presidente për shkak të fytyrës që ka. “Mendoj se gratë në të gjithë vendin e kanë dëgjuar qartë që që Trump deklaroi”, tha Fiorina duke mbledhur brohoritjet e forta të sallës. /tesheshi.com/
