Vizita e Erdoganit tërhoqi shumë vëmendjen e qytetarëve hungarezë të cilët i treguan atij respekt dhe simpati të thellë.
Gjatë vizitës, presidenti turk përshëndeti dhe shtrëngoi duart me qytetarët e shumtë të mbledhur në Budapest.
Në takimin me dyer të mbyllura, Erdogan dhe Orban diskutuan marrëdhëniet dypalëshe, duke përfshirë pranimin e Turqisë në Bashkimin Evropian. Të dy liderët diskutuan gjithashtu për çështjet më të rëndësishme rajonale dhe ndërkombëtare.
Erdogan dhe Orban zhvilluan edhe një takim në nivel të delegacioneve të dy vendeve.
Erdogan mbërriti në Budapest me ftesë të Orban për të marrë pjesë në kremtimin e Ditës së themelimit të Hungarisë.
Marrëdhëniet midis Republikës së Turqisë dhe Hungarisë u ngritën në nivelin e partneritetit strategjik në vitin 2013 pas themelimit të Këshillit për Bashkëpunim Strategjik të Nivelit të Lartë. Lidhjet miqësore mes dy vendeve kanë marrë vrull në të gjitha fushat vitet e fundit.
Këtë dhjetor të dy vendet do të festojnë 100 vjetorin e vendosjes së marrëdhënieve diplomatike. /tesheshi.com/
