Daniel Serwer, analisti i njohur amerikan, ekspert për çështjet e Ballkanit ka botuar një shkrim ku hedh poshtë akuzat e Chuck Sudetic kundër Hashim Thaçit dhe thekson se shkrimi i tij në policico.eu nuk bën gjë tejtër veçse përsërit akuzat e pakonfirmuara të Dick Marty-t që nuk u vërtetuan kurrë. Më poshtë po botojmë shkrimin e Daniel Serwer në peacefare.net.
Huligan është ai që si huligan bën
Chuck Sudetic del sërish në skenë: ka publikuar akuzat e njëjta për vrasje dhe trafik organesh ndaj liderëve të Kosovës, të marra nga libri me kujtime i Carla Del Ponte-s.
Ai ka ripërsëritur akuzat e botuara në Washington Post në vitin 2011, duke neglizhuar të bëjë publike se nuk ka pasur asnjë provë për ta, gjë që është theksuar edhe në relacionin e Këshillit të Europës, të cilit i referohet. Ndërkohë, tani ai ka marrë mendimet e ish-diplomatëve për të risjellë akuzat anonime ndaj krerëve të Kosovës, të cilët i cilëson si “huliganë” edhe pse disa nga akuzat që i referohet, më shumë se për vrasje dhe trafik organesh, janë për korrupsion.
Në fakt dikush duhet të shqetësohet se kush është huligani në të vërtetë.
Më lejoni të jem i qartë: Unë nuk kam ide nëse liderët e Kosovës janë fajtorë apo jo për krimet e përmendura. Unë natyrisht nuk do të surprizohesha nëse ndonjëri prej tyre është i korruptuar. Por nuk di nëse trafiku i përmendur i organeve dhe vrasjet të jenë verifikuar.
Kam dëgjuar akuzat që prej fillimit të viteve 2000, kur gazetari që ka zbuluar ngjarjen m’i tregoi mua. Ai kurrë nuk e publikoi historinë pasi nuk kishte prova të mjaftueshme për të përmbushur standardet gazetareske, por iu kthye investigimit mbi sundimin e ligjit në Kosovë.
Nuk kanë arritur të ngrenë asnjë akuzë zyrtare në Gjykatën Ndërkombëtare dhe për ironi të fatit, Carla Del Ponte atëherë ishte Kryprokurore e Gjykatës Ndërkombëtare.
Këshilli i Europës dhe Dick Marty kanë ndërhyrë në vitin 2010, me një raport komplet akuzash dramatike, por asnjëra prej tyre nuk mbështetej në prova faktike mjeko-ligjore dhe kjo nuk përmendet kurrë nga Chuck, që të thuhet se nuk ka një deklaratë fajësie. Po citoj tekstin e saktë (paragrafi 175):
“Detyra jonë nuk është ajo që të kryejmë një hetim penal, pasi nuk e kemi pushtetin për ta bërë, por mbi të gjitha na mungojnë burime e duhura dhe nuk mund të flasim për fajësi ose pafajësi”.
Pra kotradikta nuk është një shpikje e ime por ndodhet në dokumentin original.
Tani kemi Chuck-un i cili hedh një artikull ku thekson se Hashim Thaçi publikisht ka kërkuar miratimin e Gjykatës Speciale, e në vend që ta përgëzojë për kurajon, Chuck hedh baltë mbi të sa të mundet, duke përdorur deklarimet anonime të diplpmatëve aktualë dhe ata që janë larguar.
Unë jam një ish-diplomat dhe kam kënaqësi të citohem me emër çdo herë kur jam i sigurtë për atë që them se është e saktë.
Po a mundet Hashimi vërtetë që të flasë një gjë në sy të amerikanëve dhe europianëve, dhe më pas një tjetër kur i kthen kurrizin?!
Çdo politikan në Ballkan mund ta bëjë këtë, por kisha dëshirë që të kisha në dorë një provë që Chuck do të ma tregonte.
Kam dhënë mendimin tim në favor të Gjykatës Speciale që amerikanët dhe europianët po kërkojnë që të ngrihet sa më parë në Kosovë për të ngritur akuzat reale mbi dyshimet apo denoncimet ndaj liderëve të Kosovës.
Sistemi gjyqësor i Kosovës nuk është përgatitur për të mbajtur këtë përgjegjësi. Vështirësitë juridike dhe mundësitë e kërcënimit në Kosovën e vogël justifikojnë që kjo gjykatë të ngrihet larg vendit dhe e drejtuar nga ndërkombëtarët.
Por lloji i “huliganizmit” që po bën Chuck nuk është realisht pilula e hidhur që mund të gëlltitet lehtësisht nga politikanët e një vendi të ri të pavarur (ende jo sovran).
/tesheshi.com/
Përgatiti: Y. Pata
