Nga Blendi Gashi
Mijëra qytetarë nga vende të ndryshme të Kosovës të shtunën dolën në protestën e thirrur nga partitë opozitare kosovare për kërkuar largimin e qeverisë.
Në protestë kishte fëmijë, gra, burra e pleq të cilët në mënyrën e tyre protestonin, disa duke ngrënë fara, disa duke mbajtur pankarta në duar e disa të tjerë duke brohoritur kundër dyshes aktuale dhe udhëheqësve Thaçi-Mustafa.
Mirëpo plaku Dan Plava i cili kishte ardhur nga fshati i largët Cërmjan i Gjakovës për të mbështetur opozitën, ishte më i zëshmi ndër të gjithë protestuesit e tjerë.
Edhe pse në moshë, plaku Dan me plis të bardhë në kokë që nga fillimi i protestës brohoriste pa ndalur kundër qeverisjes aktuale duke thënë se për 15-vite klasa aktuale politike ka gënjyer qytetarët.
“Kur ishin shkijet nuk ngulshin këmbë, por hanin së bashku mish të thiut, Hashim Thaçi shkonte ia jepte Milloshit të vogël traktorin e nuk ja jepte një shqiptari.
Isa Mustafa në vitin 1999 ka pirë raki me ta (serbët) dhe tani me ma udhëheq qeverinë e Kosovës. Ku i ka 200 mijë vende të punës Hashim Thaçi, rrenë ish kanë”, brohoriste plaku në moshë derisa marshonte drejt sheshit ku pritej të mbahej protesta. /tesheshi.com/
https://www.youtube.com/watch?v=i4vu6NVDuCk&feature=youtu.be
