Shërbimin shëndetësor shqiptar shumë prej nesh e mallkojmë çdo ditë, si kur marrim një shërbim ambulator, apo kur shtrohemi në spital.
Kur marrim mjekime apo kryejmë operacione, duke e kthyer në një perceptim të përhershëm, opinionin qytetar se shërbimi ynë shëndetësor është i korruptuar.
Por në fakt, ka një të dhënë teknike që tregon se shërbimi shëndetësor shqiptar është në renditjen europiane, para disa vendeve të rajonit, madje edhe shteteve të tjera të zhvilluara si Italia.
Këtë listë e ka botuar gazeta britanike: uk.businessinsider.com. Dhe për të qenë korrektë, linku i shkrimit është: http://uk.businessinsider.com/the-best-health-carea-in-europe-2015-1.
Lista europiane e shërbimit shëndetësor në Europë
Franca ka shërbimin shëndetësor më të mirë në Europë, theksohet në studimin e pavarur të kryer nga qendra “Numbeo”. Kjo bëhet e ditur nga media britanike uk.businessinsider.com.
Kompania e themeluar në Serbi, pesë vjet më parë, bën në mënyrë periodike listimin e shërbimit shëndetësor, por edhe sondazhe të tjera duke analizuar të dhëna të tilla si përgatitja dhe aftësia e stafit, shpejtësia, pajisja dhe kostot.
“Numbeo” drejtohet nga Mladen Adamoviç, një inxhinier i programeve software, i cili ka punuar për Google, Sungard, and Troxo. Ai e themeloi Numbeo në 2009-n.
Në analizimin e të dhënave janë kombinuar treguesit vendor me Indeksin Shëndetësor Global “Unique Health Care Index”, i cili përcakton një masë të veçantë të situatës së shërbimit shëndetësor për çdo vend. Franca është në krye të listës europiane me 82.58 pikë. Maqedonia ndodhet në fund të listës me 35.12 pikë.
Mbretëria e Bashkuar është renditur me 73.88 pikë në vendin e 12-të. Kujdesi shëndetësor britanik është më lart se ai i Spanjës, Zvicrës dhe Finlandës, por është më poshtë se ai i Turqisë, Qipros, dhe vendeve të tjera.
Sipas BBC-së, reforma në kujdesin shëndetësor britanik ka qenë në fokusin e fushatës së fundit zgjedhore.
Një raport i publikuar më 23 tetor theksonte se shërbimi shëndetësor britanik duhet të investojë 30 miliardë stërlina deri në vitin 2020.
Ndërkaq, në botë Japonia ka pikët maksimale: 87.07. Bahreini dhe Taivani parakalojnë Francën në listën globale. /tesheshi.com/
