Tre anëtarë të moshuar të familjes mbretërore saudite, përfshirë vëllain e mbretit, janë arrestuar për arsye të panjohura. Dy të tjerë të arrestuar janë gjithashtu ndër figurat më me ndikim në mbretëri.
Arrestimet besohet të jenë të lidhura me Princin e Kurorës, Mohamed bin Salman. Tre të arrestuarit janë: vëllai më i vogël i Mbretit, Princi Ahmed bin Abdulaziz, ish-Princi i Kurorës Mohamed bin Najef, si dhe kushëriri i Mbretit, Princi Navaf bin Najef.
Mohamed bin Najef ishte Ministër i Brendshëm deri në vitin 2017, kohë kur Mohamed Bin Salman e largoi atë dhe e vendosi anë arrest shtëpie.
Mohamed bin Salman konsiderohet sundimtari i mbretërisë, pasi babai i tij e emëroi atë Princ Kurore në vitin 2016. Ndërkohë, Princi Ahmed bin Abdulaziz është një nga djemtë e fundit të mbetur të themeluesit të Saudisë, mbretit Abdelaziz, dhe i respektuar gjerësisht midis anëtarëve të vjetër të familjes mbretërore.
I moshuari i dytë, Princi Mohamed bin Najef ishte i radhës në fron para se të pushohej papritmas tre vjet më parë. Para kësaj ai ishte Ministër i Brendshëm.
Mbretëria as e konfirmoi dhe as e mohoi këtë informacion, duke përcjellë atëm ndjenjë që punët në mbretërinë saudite vitet e fundit janë të mbuluara me vello fshehtëse.
Kujtojmë gjithashtu në 2017 një duzinë njerëz afër mbretërisë, ministra dhe biznesmenë u burgosën në Hotelin Riz-Charlton në Riad pasi Princi i Kurorës urdhëroi arrestimin e tyre. /tesheshi.com/
