Vazhdon lufta ndërmjet Donald Trump dhe televizionit të njohur CNN. Emetuesi me qendër në Atlanta ka vendosur që të bojkotojë festën e Krishtlindjeve të Shtëpisë së Bardhë.
“Pas sulmeve të vazhdueshme të presidentit ndaj lirisë së shtypit dhe CNN, nuk mendojmë se është koha e duhur për të festuar me ju dhe të ftuarit tuaj”, theksohet në një komunikatë zyrtare të televizionit, i cili megjithatë do ta transmetojë ceremoninë shtetërore dhe do të dërgojë reporterin e tij.
Ka qenë e menjëhershme përgjigja e zëdhënëses së Shtëpisë së Bardhë, Sarah Sanders: “Krishtlindjet po vijnë para kohe! Më në fund lajme të mira nga (në) CNN”, ka twittuar ajo. /tesheshi.com/
