Në vigjilje të vizitës së Kryeministrit të Serbisë, Aleksandër Vuçiç në Tiranë më 27 maj, nuk reshtin skenaret fantazmogorike dhe teoritë konspirative të qarqeve ekstreme serbe që synojnë të përfitojnë politikisht nga një vizitë, që është e para pas mbi 22 vitesh(Milan Paniç) si kryeministër i Jugosllavisë së atëhershme zhvilloi në 1995 një vizitë një ditore në Tiranë).
Kreu i radikalëve, ultranacionalisti i dënuar nga Haga, Vojisllav Sheshejl ka deklaruar se shqiptarët kanë parashikuar një sulm terrorist më 28 qershor, datë që përkon me betejën e Fushë-Kosovës së vitit 1339. Sipas Sheshejl, i trumbetuar edhe nga disa media të Beogradit, shqiptarët dashkërkan të marrin edhe Nishin e Vranjën. Të cilat realisht kanë qenë të banuar nga shqiptarë para masakrës së orkestruar nga Çubriloviçi, akademiku që arkitektoi “Naçertanian”.
Ka 2 deri në 3 javë që disa qarqe serbe po shkruajnë një seri shkrimesh me tituj bombastike se shqiptarët do të sulmojnë Maqedoninë, Malin e Zi apo gjithë rajonin(Kanë harruar Humgarinë e Greqinë).
Një media bulevardeske, duke cituar sipas saj, burime të inteligjencës së Beogradit, theksonte se shqiptarët po planifikojnë të kryejnë sulme në veri të Kosovës në pjesën qendrore dhe jugore të Serbisë, duke përfshirë Vranjën, Nishin dhe Kralevën, kane shkruar gazetat serbe, transmeton agjencia e lajmeve “Presheva jonë”.
Ndërkaq, kryetari i Partisë Radikale Serbe Vojisllav Sheshelj, tha sot se “nëse kryeministri i Serbisë Aleksandar Vuçiç do të refuzojë kërkesën e SHBA për sanksione kundër Rusisë, Serbia më 28 qershor do të përfshihet nga sulme terroriste”. Partia e Sheshelit, në një konferencë për shtyp tha se “në Serbi për muaj, nën udhëheqjen e SHBA-së, po përgatiten akti terrorist “Shqiponja”.
Sheshejl tha se objektivi kryesor i sulmit është Beogradi dhe plani është të shkaktohet një numër të madh të viktimave civile, dhe se pastaj do të fillojë dhe trazira në Sanxhak dhe Preshevë dhe Bujanoc.
Sipas tij, informacioni në lidhje me të është marrë nga “bashkëpunëtorët e tyre”. Sipas Seshelit “arsyeja për organizimin e sulmeve në Serbi dhe në Maqedoni kohët e fundit, ishte pakënaqësi e Shteteve të Bashkuara për shkak të dy vendeve dhe bashkëpunimit me Rusinë.”
/tesheshi.com/
