Një meshë inauguruese u mbajt në Sheshin e Shën Pjetrit në Vatikan të dielën, e udhëhequr nga Papa Leo XIV, duke filluar zyrtarisht pontifikatin e tij si udhëheqësi i 267-të i Kishës Katolike.
Vizitorët e shumtë në delegacione që patën fatin të ftoheshin në inaugurim duhej t’i përmbaheshin protokollit të rreptë të Vatikanit që përshkruan se si të vishen kur takohen me Papën.
Një kostum i errët diktohet për burrat, ndërsa fustane me një ngjyrë më të errët për gratë.
Por disa nga këto të fundit bëjnë përjashtim, duke u lejuar të veshin të bardha.
Privilegji i të bardhës i referohet monarkisë dhe mbretëreshave e princeshave katolike të cilave u lejohet të vishen në këtë mënyrë për ngjarje të rëndësishme si vizita private, kanonizime, beatifikime ose mesha të veçanta.
Ky privilegj nuk vlen për gratë e të gjithë sundimtarëve katolikë, kështu që Mbretëresha e Lesotos ose Princesha e Lihtenshtajnit nuk u lejuan të mbanin veshje të bardha para Papës. As Maxima, Mbretëresha e Holandës, nuk e ka këtë privilegj.
Privilegji për veshje të bardha para Papës i është dhënë Princeshës së Monakos, Mbretëreshës Matilda të Belgjikës, Mbretëreshës Letizia të Spanjës, Dukeshës së Madhe Maria Teresa të Luksemburgut, Princeshës Marina të Napolit, si dhe dy mbretëreshave, burrat e të cilave nuk janë më në fron: Mbretëreshës Sofia të Spanjës dhe Mbretëreshës Paola të Belgjikës.
Privilegji është një gjest simbolik që përfaqëson pastërtinë, pafajësinë dhe paqen. Është një medalje nderi për shtëpitë mbretërore që kanë mbajtur lidhje të forta me Kishën Katolike.
Por fakti që Vatikani nuk është i ndarë nga skandalet e veshjeve dëshmohet edhe nga ngjarja e vitit 2006 kur Cherie Blair, gruaja e ish-kryeministrit britanik Tony Blair, erdhi e veshur me të bardha, megjithëse kjo veshje është një gafë për ngjarjet gjatë pontifikatit.
Kohët e fundit, kodi i veshjes për takimet me Papën është bërë pak më pak i rreptë, duke u lejuar zonjave të mos mbajnë shami, por shumë prej tyre ende i përmbahen asaj si shenjë respekti për kreun e Kishës Katolike. /tesheshi.com/
