Një grup hebrenjsh ultra-ortodoksë, anëtarë të organizatës anti-sioniste Neturei Karta International, festuan vendimin e Këshillit të Sigurimit të Kombeve të Bashkuara që dënon Izraelin për ndërtimin e vendbanimeve të paligjshme në territoret palestineze.
Grupi anti-sionist i hebrenjve fetarë, u mblodhën përpara selisë së OKB-së në Nju Jork për të përshëndetur vendimin.
Grupi shprehu ngazëllimin e tyre mbi vendimin e KS të OKB-së, duke mbajtur pllakate në të cilat shkruante ”Hebrenjtë e vërtetë festojnë dënimin e OKB-së në lidhje me vendbanimet izraelite, ”Hebraizmi refuzon sionizmin” ose ”Izraeli nuk ka të drejtë të sundojë mbi cilëndo pjesë të Tokës së Shenjtë.”
Më vonë, grupi lexoi një deklaratë në të cilën thuhet se vendbanimet e reja ilegale izraelite janë një nga arsyet kryesore për vazhdimin e gjakderdhjes në rajon.
Në deklaratë gjithashtu përgëzohet vendimi si një hap drejt paqes, dhe një kontribut drejt dhënies fund të vuajtjeve të palestinezëve.
Në deklaratë gjithashtu thuhet se dënimi i OKB-së drejtuar Izraelit nuk është në përputhje vetëm me ligjet ndërkombëtare, por edhe në përputhje me ligjin hebraik, duke përsëritur se shteti i Izraelit dhe kryeministri i saj Benjamin Netanyahu nuk përfaqësojnë komunitetin global të hebrenjve.
Neturei Karta International sjell së bashku hebrenjtë ortodoksë të cilët besojnë se kauza sioniste e krijimit të një shteti izraelit në Lindjen e Mesme është në kundërshtim me mësimet fetare hebraike, duke vënë në dukje se një shtet i tillë mund të krijohet vetëm nga Mesia.
Anëtarët e grupit janë të njohur për protesta kundër Izraelit, dhe mbështetjen e grupeve palestineze nëpërmjet ngjarjeve të ndryshme dhe protestave. /tesheshi.com/
