Ndonjëherë edhe një gjest i vogël solidariteti mund të na dhurojë një emocion të paimagjinueshëm. E këtë e dinë mirë Debbie e Shaun Riddle, klientë të zakonshëm në West Side Cafe në Teksas.
Disa javë më parë, vajza e tyre e vogël humbi jetën në gjumë për arsye të panjohur që për prindërit ngelën enigmë. Të dëshpëruar sa më s’ka, Debbie e Shaun nisën të mos frekuentonin më lokalin për një kohë të gjatë.
Sapo ata u kthyen, kamerierja i pyeti për vajzën e vogël dhe sapo mësoi se çfarë i kishte ndodhur vogëlushes, vendosi të bëjë një gjest mjaft prekës, por që njëkohësisht i bëri të ndihen mirë prindërit.
“Llogaria është paguar. Na vjen me të vërtetë shumë keq për humbjen tuaj”. Ky ishte mesazhi i lënë nga West Side Cafe, i cili ishte shkruar mbi faturën që i është dhënë çiftit më 4 qershor.
Gjithçka lindi nga një pyetje që kamerierja Kayla Lane, i kishte drejtuar çiftit: “Ku është vogëlushja juaj?”. “Ata panë për një çast njëri-tjetrin dhe më pas ndenjën në qetësi”,- ka thënë kamerierja për CBS. Më tej stafi mësoi për fatkeqësinë e çiftit dhe bërë këtë veprim prekës.
E prekur tej mase nga ky solidariteti i treguar, Debbie Riddle vendosi të publikojë në Facebook një fotografi të faturës, duke e shoqëruar me disa rreshta falënderimi. Postimi është pëlqyer menjëherë nga miliona përdorues, duke bërë që historia të dalë në dritë dhe të tregohet edhe në mediat amerikane. /tesheshi.com/
