Finalja e Ligës së Kampionëve do të vë përballë dy protagonistët e Kampionatit Botëror të vitit 2014, uruguajasin Luis Suarez dhe italianin Giorgio Chiellinin. Suarez do ta ketë përballë gjithashtu Patrice Evran me të cilin kishte mosmarrëveshje gjatë kohës sa luanin në Premier Ligën angleze. Shakatë tashmë veç se kanë filluar në rrjetet sociale për duelin ndërmjet këtyre protagonistëve.
Luis Suarez kishte kafshuar Giorgio Chiellinin në Kampionatin Botëror që u mbajt në Brazil gjatë verës së shkuar. Për këtë gjest, sulmuesi u dënua me gjashtë muaj pezullim nga të gjitha aktivitetet sportive, ndërkohë pas rikthimit ai duhet të përballet sërish me “viktimën” në një vend shumë special.
Është finalja e Ligës së Kampionve, në të cilën Barcelona dhe Juventus do të ndeshen për kurorën e më të mirit të Europës, ndërkohë figurat e Suarezit dhe Chiellinit tashmë po qarkullojnë nëpër rrjete të ndryshme sociale.
Suarez do të ballafaqohet gjithashtu me Patrice Evran më të cilin po ashtu kishte probleme. Uruguajani e kishte fyer në baza racore futbollistin francez dhe për këtë arsye u pat dënuar me tetë ndeshje mos lojë.
Në takimet tjera dy futbollistët nuk shtrënguan duart e njëri tjetrit, ndërsa mbetet të shihet se a do të veprojnë njësoj edhe në finalen e madhe të Berlinit. /tesheshi.com/
