Pa ndonjë mrekulli por me shumë siguri, Real Madrid ka mposhtur minimalisht Paris SG (1-0), për të kaluar në raundin e rradhës së Champions League, kur kanë mbetur edhe dy ndeshje deri në përfundimin e fazës së grupeve.
Mbretërit kryesojnë grupin A me 10 pikë, shtatë më shumë se pozicioni i tretë, Shakhtar Donetsk që triumfoi në shtëpi ndaj Malmoas (4-0). Parisienët vazhdojnë të mbeten në pozitën e dytë, pëkundër humbjes nga Reali.
Në grupin B, Manchester United vazhdon të kryesojë klasifikimin, falë fitores që arriti në përballje me rusët e CSKA Moskës (1-0). Në pozicionin e dytë tashmë renditet PSV Eindhoven që mposht gjermanët e Wolfsburg-ut (2-0), për t’ia rrëmbyer këtë pozicion.
Situata e paqartë duket edhe në grupin C, të cilin e udhëheq Benfica me 9 pikë. Portugezët mposhtën turqit e Galatasaray (2-1), dhe shfrytëzuan rrëshqitjen e spanjollëve të Aletico Madridit në Astana (0-0), për të marrë kreun.
Në grupin D, Manchester City ka rimarrë veten pas startit të dobët. Citizens mposhtën në udhëtim skuadrën e Sevilla-s (3:1), për të marrë lidershipin. Ndërkohë, finalisti i edicionit të shkuar Juventus morri një pikë mjaft të vështirë në udhëtim tek gjermanët e Gladbach (1-1). /tesheshi.com/
