Ushtria sudaneze pritet të bëjë “një njoftim të rëndësishëm”, thanë media shtetërore e vendit, pas disa muajsh protesta kundër presidentit Omar al-Bashir.
“Ushtria sudaneze do të lëshojë një deklaratë të rëndësishme së shpejti. Prisni për këtë,” u tha një njoftim televiziv, pa dhënë detaje të mëtejshme.
Protestat, të cilat shpërthyen në dhjetor, janë bërë sfida më e madhe për tre dekadat e sundimit të Bashirit.
E enjtja shënon ditën e gjashtë të protestave të mbajtura jashtë selisë ushtarake, e cila gjithashtu sështë banesa zyrtare e al-Bashir.
Turmat e demonstruesve kanë kaluar pesë net duke u shtrirë pranë kompleksit e duke kënduar dhe vallëzuar me këngë revolucionare.
Gazetarët e Al Jazeeras në Khartoum thonë se kishte një prani të madhe të forcave të sigurisë në rrugët kryesore të qytetit.
Grupi që drejtoi demonstratat mbarëkombëtare u bëri thirrje banorëve të kryeqytetit të qëndrojnë jashtë selisë së ushtrisë.
Zyrtarët thonë se 49 persona kanë vdekur në dhunën kundër protestuesve qysh nga muaji dhjetor kur shpërthyen demonstratat.
Bashir, i kërkuar nga Gjykata Penale Ndërkombëtare lidhur me akuzat për krime lufte dhe gjenocid, erdhi në pushtet në një grusht shteti të vitit 1989. Ai mbetet një nga presidentët më të gjatë në historinë moderne të Afrikës. /tesheshi.com/
