Një lojë politike e çuditshme po luhet për një nga bashkitë më të rëndësishme të Shqipërisë, Himarën. Partia Demokratike ende nuk e ka paraqitur kandidaturën e saj, ndërsa qarqe brenda saj po shtyjnë fort për një përsëritje të skëmës së vitit 2007 me Bollanon, kur PD nuk vendosi kandidaturë dhe fitoi njeriu i PBDNJ-së, i cili qëndroi dy mandate.
PBDNJ ka kandiduar për kryetar të bashkisë së Himarës, Fredi Belerin, i cili siç mësohet është sugjeruar fuqishëm nga “Agimi i Artë”, i cili është aleati real me forcë specifike si i organizatës OMONIA ashtu edhe PBDNJ-së së Dules.
Ulja e peshës së Nea Dimokratia dhe mosinteresi i tshfaqur nga Syriza, PBDNJ, të vetmin faktor relevant në Athinë ka ekstremistët e djathtë, kreu i të cilëve është në burg për nxitje urrejtje dhe vrasje.
Prej dy ditësh, qarqe të rëndësishme të OMONIA-s po përhapin opinionin e një mobilizimi të epokës Bollano, që më shumë që kandidat, është një tjetër “skifter” i qarqeve që mbrojnë Megalidhenë.
Por burime nga Partia Demokratike, bëjnë të ditur se nesër selia blu do të prezantojë kandidatin e saj për bashkinë e Himarës, i cili sipas gjasave është Orest Cika, një intelektual nga Borshi. Nëse PD do të zyrtarizojë Çikën, kemi për bëjmë me një lëvizje të fortë dhe mjaft të zgjuar, që mund të rialokojë elektoratin e djathtë në zonën e Bregut, por edhe në pjesën e Labërisë që tashmë bën pjesë në bashkinë e re.
Kjo pasi Orest Çika është musliman dhe megjithëse ky komunitet është numeroz në bashkinë aktuale të Himarës, pasi është shtuar edhe Vranishti, asnjëherë nuk është përfaqësuar politikisht. Dhe ajo që është flagrante, gjithnjë Himara ka qenë epiqendër e përplasjeve nacionaliste të OMONIA-s dhe PBDNJ-së.
Mazhoranca ndërkaq, do të rikandidojë Gjergji Goron, i cili paraqitet si i favorizuar, por gjithsesi gara është interesante. Himara është një bashki e rëndësishme pasi përmbledh të gjithë bregun nga Radhima e deri në Sarandë dhe përmbledh interesa të rëndësishme jo vetëm ekonomike. /tesheshi.com/
