Arrat, bajamet, lajthitë, stikat janë ushqime të çmuara për muajin e festave për të pasuruar ëmbëlsirat, për të shoqëruar pijet dhe për të qerasur miqtë. Ato përmbajnë sasi të mëdha acidesh lyrore që trupi ynë nuk i prodhon dot.
Dietologia Blerina Bombaj shprehet se këto acide lyrore esenciale janë të domosdoshme për mbarëvajtjen e sistemit nervor.
Konsumi i përditshëm i frutave të thata lidhet me jetë më të gjatë dhe më të shëndetshme. Arrat, veçanërisht janë të pasura në melatoninë, një hormon që rregullon ciklin e gjumit.
Personat që kanë acid urik të lartë në gjak, duhet t’i evitojnë frutat e thata.
Ide gatimi: përdorini gjerësisht në sallata, fruta, kos dhe midis vakteve kryesore. Kujdesuni të jenë të freskëta dhe të ruajtura mirë pasi janë delikate ndaj oksidimit. Nëse keni durim ti qëroni vetë, jeni vërtetë të fituar./tesheshi.com/
