Prej katër vjetësh tashmë, “gozhda” e ngulur në këtë vend që nuk shkulet dot dhe që shenja e saj duket ngado, është CEZ-DIA, përkatësisht transaksioni më i madh financiar i zhvlluar në Shqipëri që prej rrëzimit të komunizmit; transaksioni që nuk është thjeshtë një shit-blerje, pr një minierë floriri që duket se ka shërbyer çdo ditë që nga viti 2009 kur është shitur kompania OSHE të çekët, në një burim i pashteruar parash.
Dhe më më pas, vit pas viti është kthyer në një vrimë të zezë, më e keq se definicioni i Anshanjit; është kthyer në një kondicionues i zhvillimeve politike, ekonomike e më tej akoma, edhe kronike, të një Shqipërië së tronditur që do të dalë nga tranzicioni i gjatë e që nuk po nuk e lënë bijtë e saj.
Ilir Meta, Presidenti i zgjedhur, kryetari real i LSI-së, ka shpërthyer në një intervistë me Ylli Rakipin, ku ka deklaruar se hapja e hetimeve për CEZ- DIA-n është bërë pikërisht për të penalizuar atë vetë dhe Sali Berishën si kryeministër.
Ndërkohë, policia gjeti dhe kapi porositësin e komisarit të ndjerë Artan Cuku, i çili është Mikel Shallari.
Sipas deklaratave të para, Shallari mësohet se ka thënë se është paguar nga vëllezërit Daka që donin ta vrisnin komisar Cukun për hakmarrje.
Por gjithsesi, disa qarqe ende flasin për mosheqjes së pistës tjetër, atë që kishte të bënte me punën e Artan Cukut kohët e fuundit.
Ai prej kohësh ka qenë si policia private e Kastriot Ismailit të CEZ-DIA-s, me detyrë për të mbledhur borxhet e kompanisë.
Ismailaj ndodhet i arrestuar prej tre vitesh, pikërish për aferën CEZ-DIA.
Ndërkohë, Romeo Kara, njeriu kyç i zbardhjes së aferës CEZ-DIA i cili ka dalë vullnetarisht për të ofruar gjithçka për drejtësinë, ndodhet i kërcënuar.
Deri dje ai ruhej nga policia, por aktualisht mësohet se ka disa kohë që nuk ndodhet më nën ruajtje.
Dy muaj më parë Kara shkoi në ambasadën amerikane në Tiranë ku depozitoi të gjitha dokumentet që kishte në dispozicion për t’i siguruar ndaj çdo incidenti që mund të ndodhte.
Po në këtë kontekst, i gjithë zhvillimi politik nga shkurti i shkuar ka marrë shkas pikërisht nga zhvillimet e aferës CEZ-DIA.
Pikërisht kur Komisioni Parlamentar i ngritur për çështjen CEZ-DIA i kryesuar nga Taulant Balla, dërgoi në Prokurori një listë prej 15 vetësh, u ngrit çadra në Bulevard, e çila u përpoq të rrëzojë Edi Ramën nga drejtimi i qeverisë.
Në fund, edhe pse nuk ia arriti, një nga të akuzuarat në listën “Balla” u pranua nga Edi Rama si numri dy i qeverisë shqiptare, pjesë e ministrave teknikë. Ndërkohë Prokuroria nisi hetimet për drejtorin e CEZ, çekun, Josef Hejsek, që ishte më shumë procedurë për zhurmë sesa për ndjekje reale penale, pasi Hejsek, duhej në fillim të kërkohej nëpërmjet ekstradimit dhe jo marrjes i pandehur.
Dhe enigma më e madhe në të gjithë këtë mesele është natyrisht vdekja e mistershme e të ndjerit Qazim Tepshi, ish-ambasadorit shqiptar në Pragë, në kohën e tratativave për privatizimin e CEZ, njeriun që ka kryer kontaktet më të rëndësishme për këtë privatizim “diplomatik” që siç duket po kthehet në një “reaktor bërthamor” që vazhdon të jetë më aktiv se kurrë dhe nëse do të shpërthejë pritet të shkaktojë një valë të tmerrshme bombardimi. /tesheshi.com/
