Ç’është një taksë digjitale që po planifikon BE

Komisioni Evropian do të propozojë futjen e një takse dixhitale në javët e ardhshme, e cila do të paguhet nga qindra kompani evropiane dhe të ardhurat do të përdoren për të financuar rimëkëmbjen nga pandemia COVID-19, njoftoi Zv.Presidentja e KE Margrethe Vestager .

Vendet e Bashkimit Evropian ranë dakord vitin e kaluar që ata të marrin hua së bashku 750 miliardë euro, të cilat më pas do t’i drejtojnë në fondin për rimëkëmbjen ekonomike nga pasojat e pandemisë.

Zv.presidentja e KE shprehu kënaqësinë me marrëveshjen të enjten mbi ndryshimin e sistemit global të taksimit, i cili, nën kujdesin e Organizatës për Bashkëpunim Ekonomik dhe Zhvillim (OECD), vendosi një normë minimale të taksës së korporatave të paktën 15 përqind.

Eshtë rënë dakord që një pjesë e së drejtës për taksë do të ridrejtohet nga vendi i origjinës në vendet ku operojnë kompanitë.

“Nëse miratohet dhe prezantohet plotësisht dhe nëse autoritetet tatimore kanë burime për ta mbledhur atë, disa kompani që aktualisht paguajnë pak ose aspak taksë do të kontribuojnë për kompanitë në të cilat veprojnë,” tha Vetsager.

Qëllimet e taksës dixhitale evropiane janë të ndryshme nga ato të marrëveshjes tatimore të arritur nën kujdesin e OECD, dhe qëllimi i saj do të jetë shumë më i gjerë, shpjegon Vestager.

“Ndërsa marrëveshja e OECD synon 100 kompanitë më të mëdha, kjo taksë do të mbulojë shumë më tepër prej tyre,” theksoi zyrtarja evropiane, duke shtuar se ajo do të paguhet kryesisht nga kompanitë evropiane, por edhe nga ato nga vendet e tjera.

“Unë e di që për kompanitë do të thotë një kosto, sido që ta quash, por ata duhet ta konsiderojnë atë një kosto normale për të bërë biznes në Evropë,” tha ajo.

Ajo nuk dëshironte të saktësonte se cilat kompani do të paguanin për të, apo sa mund të kushtonte.

Komisioni paraprakisht vendosi 14 korrikun si datën e publikimit zyrtar të propozimit. /tesheshi.com/