Dyshja President – kryeopozitar, pra Meta – Basha, kanë konfirmuar të qënit aleatë politikë, diku okultë e diku haptëzi kundër Ramës, ku së fundi, në një ambient gjerman, kanë zgjedhur të sulmojnë qeverinë në të njëjtën gjatësi vale. E kanë bërë këtë në ceremoninë e 10-vjetorin e krijimit të Fondacionin “Konrad Adenauer” .
Pjesa më e madhe fjalimit përshëndetës të Metës, kishte mes rreshtash pikërisht njeriun që e zgjodhi president, kryeministrin Rama.
“Pa zgjedhje të lira dhe të ndershme, pa parimet e kontrollit të pushteteve, pa media të lirë, pa zgjedhje jo konkurruese dhe shumë drejtime të tjera…. Është shumë e rëndësishme të kthehemi të kaluarës për të mos i dhënë mundësi të zhytemi në izolim dhe arbiritraritet. Çdo vend ka qeveri, por dallimi për sa i takon asaj që çfarë përfaqëson ka të bëjë me rolin që ka parlamenti në raport me qeverinë. Është parlamenti dhe populli që kontrollon, apo e kundërta. Duhet një reflektim të thellë dhe serioz.
Këto ditë ne presim vendimin, shpresojmë pozitiv mbi negociatat. Uroj dhe kërkojmë që ky vendim të jetë pozitiv dhe çdo vend që ka shqetësimet e tij konkrete t’i bashkohet qasjes së Bundestagut për të nxitur vendin që të përmbushë kriteret”, tha Meta, duke i “rrëshqitur” sërish gjuha e quajtur krizën si artificiale.
“Duhet të gjejnë kurajon dhe të reflektojnë për ta vendosur vendin në shinat kushtetuese për t’i dhënë fund kësaj krize artificiale, që ende mbizotëron”, theksoi kreu i shtetit, i zgjedhur aty me votat e një mazhorance me të cilën lufton parreshtur, që kur partia e tij LSI nuk është më pjesë e qeverisjes.
Ndërsa Basha pothuajse gjithçka e ka patur me qeverinë në fjalën e tij, duke përdorur gjithsesi para gjermanëve një leksik politik më të moderuar, edhe pse me akuzat brenda.
“Ne u bëmë thirrje miqve tanë gjermanë që, megjithë gjendjen e rëndë në vend, shkaktuar nga hapat prapa në lidhje me ekonominë, demokracinë, sundimin e ligjit dhe lirinë e shprehjes, vetëm hapja e negociatave garanton nje vemendje të shtuar të Bashkimit Europian në Shqipëri, një kontroll më të fortë të funksionimit të institucioneve, ndarjes së pushteteve, zgjedhjeve të lira dhe barazisë para ligjit, si garanci për qytetarët e këtij vendi se liritë dhe të drejtat e tyre do të respektohen”,theksoi kreu demokrat. /tesheshi.com/
