Ish-portieri i Realit të Madridit dhe i përfaqësueses spanjolle mbetet ende një emër i lakuar në futbollin europian, edhe pse tani është 36 vjeç.
Dyvjeçari pozitiv me portugezët e Portos e ka ndihmuar atë që të jetë ende i kërkuar, teksa prej ditësh janë një numër skuadrash që pretendohet të jenë të interesuara për të.
Iker Casillas e mbajti portën të paprekur në 23 ndeshje nga 43 të luajtura këtë sezon për Porton; një fakt që nuk ka kaluar pa vëmendje.
Fillimisht është folur për një kalim të tij te Liverpuli, në Premier League, një pistë që është akoma e hapur, por shtypi spanjoll sugjeron interes për të nga dy ekipe franceze.
PSG-ja dhe Olimpiku i Marsejës janë dy vendmbërritje të mundshme për portierin veteran. Marseja thuhet të jetë duke bërë gati një kontratë njëvjeçare, me një mundësi rinovimi për një vit tjetër.
Porto, raporton media spanjolle, kërkon t’i japë duart Casillas-it për shkak të rrogës së lartë; kjo e bën edhe më të besueshëm largimin e afërt të tij. /tesheshi.com/
