Drejtori i Policisë së Shtetit, Haki Çako ka hedhur poshtë çdo version të mundshëm të lidhjes së ngjarjes së Lazaratit me konotacione fetare, siç dhe u insinua nga disa qarqe.
Duke përshkruar situatën në Lazarat zoti Çako theksoi se myslimanët e Lazaratit kanë qenë mëse korrektë jo thjesht me ligjin por me sjelljen edukuese në komunitet duke dhënë një shembull pozitiv.
Çako theksoi se gjatë operacionit të vitit të shkuar antidrogë në Lazarat në shtëpitë e pjesëtarëve të komunitetit mysliman të fshatit jo vetëm nuk është gjetur asnjë bimë narkotike por edhe asnjë fishek ndërkohë që fshati ishte i mbushur me arsenal armatimi dhe municioni.
/tesheshi.com/
