Në vitin 2012 ndërroi jetë një burrë shumë i veçantë, për të cilin vijon të flitet edhe sot, 3 vite pas vdekjes së tij. Quhej Don Ritchie dhe ishte 85 vjeç kur u nda nga jeta.
Në Australi ai konsiderohej si nj hero i vërtetë, i cili kishte shpëtuar jetën e 260 personave. Për më shumë se 40 vite, Ritchie, sa herë që hidhte vështrimin nga dritarja e shtëpisë së tij, e cila është pranë me një nga humnerat më të mëdha në Australi, e njohur si “The Gap”, shikonte se dikush ishte gati për ti dhënë fund jetës, në tentativë për tu hedhur.
Ai iu afrohej në mënyrë të qetë dhe duke iu zgjatur pëllëmbën e dorës, i pyeste” Mund të bëj diçka për të të ndihmuar?”. Është një gjest shumë i thjeshtë nga i cili nisnin mjaft biseda të cilat përfundonin me shpëtimin e personit dhe me në kafe apo birrë në banesën e Ritchie.
Megjithatë, të gjitha mundimet e burrit nuk kanë ngelur pa u shpërblyer, pasi në vitin 2006 ai ka marrë një medalje nderi nga ana e qeverisë australiane dhe në vitin 2010, ai bashkë me të shoqen u shpallën qytetarë nderi. Kjo botë vijon të ketë nevojë për persona si i ndieri Don Ritchie…/tesheshi.com/
