Nga Arseola Mulia
“Masat e dënimit nuk ulin kriminalitetin…por rrisin korrupsionin në ndërtimin e Burgjeve… Ufffff çdo qytet një burg 6 milion një burg i ri… ndërkohë një pensionist merr 100 euro në muaj…Sos” shkruan në faqen e tij në rrjetin social Facebook, Kryetari i Dhomës së Avokatëve Penalistë në Shqipëri, avokat Sajmir Vishaj. Sipas tij, ligji për amnistinë tregon humanizmin e shtetit për këtë kategori të dënuarish. Por më tej Vishaj sqaron se presidenti bën faljet, ndërsa kuvendi amnistinë. Falja bëhet për emra të veçantë, kurse amnistia për vite burgu dhe vepra penale. Kjo mund të jetë një zgjidhje, por jo e vetmja sigurisht!
Por çfarë po ndodh sot me situatën aktuale në burgje? Drejtori i Përgjithshëm i Policisë flet për burgje të reja të cilët do të jenë funksionale. Por a e zgjidh kjo problemin?! A duhet të ketë kaq shumë të burgosur për vepra penale të tipit “vjedhje të energjsë elektrike” apo “shkelje të lejeve të qarkullimit rrugor”? A e ka luksin Shqipëria të ndërtojë çdo vit burgje ndërkohë që kostoja mesatare e një të burgosuri është rreth 450 euro?!
Mbipopullimi në burgjet shqiptare po rritet me hapa të shpejtë si pasojë e arrestimeve për energjinë elektrike, shkelje të rregullave të qarkullimit rrugor apo dhe për ndërtimet pa leje.
Numri prej rreth 1300 persona mbi kapacitetin e lejuar është shprehur si shqetësim nga Avokati i Popullit, Igli Totozani.”Sot që flasim kemi në institucionet e privimit të lirisë që kanë një mbipopullim përreth 1300 qytetarë më shumë sesa kanë kapacitetet”, u shpreh Avokati i Popullit. Shqetësim për mbipopullimin në burgje ka shprehur edhe OSBE. Zëvendësambasadori i OSBE, Robert VVilton shprehu shqetësimin e tij lidhur me mbipopullimin e burgjeve, si një shkelje flagrante e të drejtave të njeriut. Shifrat zyrtare flasin për rreth 1300 persona mbi kapacitete në burgje, pra rreth 40% e mbikapacitet, flenë përtokë me dyshekë, por në disa raste edhe pa dyshekë e vetëm me batanije, dhe me turne. Çfarë ndodh me personat e sëmurë në këta burgje?! Thua të mendoje kush për ta?! E njëjta situatë mbipopullimi rezulton edhe në komisariatet e policisë në rrethe dhe në Tiranë. Institucioni i Avokatit të Popullit sugjeron të merren masa të menjëhershme për të kufizuar mbipopullimin burgjeve.Të merren masa të menjëhershme për përgatitjen nga ana e Ministrisë së Drejtësisë të një propozimi formal ndaj Prokurorisë së Përgjithshme, për rritjen e masave të dënimeve alternative për persona të cilët kanë kryer vepra penale me rrezikshmëri të ulët shoqërore. “Prokuroria Shqiptare, nga viti në vit po angazhohet për të forcuar kërkesën për masa sigurie dhe dënim përfundimtar për personat që kanë kryer vepra të rënda penale dhe nga ana tjetër, duke e zbutur qëndrimin për subjektet që kryejnë veprat penale me pasoja të vogla”….thuhet në njoftimin për shtyp të Prokurorisë….por cfarë shohim realisht?! Njerëz të palosur mbi njëri-tjetrin në qeli burgjesh, dhe të tjerë që flejnë me turne në dhomat e paraburgimit…ku gjithsesi në pagjumësinë e tyre të detyruar nga kushtet, qajnë hallet si përfunduan aty….(tesheshi)
