Emërimi i Galeaccio Bignami-t në postin e zv/ministrit të Infrastrukturës ka shkaktuar shumë reagime në opozitën e Italisë. Dhe kjo pasi Bignami, i cili është anëtar i partisë së Georgia Melonit, është fotografuar më parë me një simbol nazist në krahun e majtë.
Fotoja doli për herë të parë në dritë në vitin 2016 duke shkaktuar zemërim në me Bignami-n duke thënë se ishte një “shaka mes miqsh, në një festë beqarie”.
Kjo foto e veçantë nisi të bënte sërish xhiron e internetit ndërsa u postua edhe nga Marco Furfaro, deputet i Partisë Demokratike të Italisë, i cili shkruan në Twitter: “Fyerje, poshtërim për Kushtetutën, kujtesën, historinë dhe viktimat e saj. Turp për ty, Georgia Meloni”.
Megjithatë, zëvendësministri i ri i Infrastrukturës nxitoi të theksojë se ndihet “thellësisht i turpëruar” për fotot që janë shfaqur sërish në rrjetet sociale dhe dënon shprehimisht “çdo formë totalitarizmi”, duke e cilësuar nazizmin dhe çdo lëvizje të lidhur me të si “të keqen absolute”.
Galeaccio Bigniami është ish-anëtar i Forza Italia-s dhe tashmë i përket Fratelli di Italia. Në fakt, në vitin 2019 ai ishte sërish në lajme teksa bashkë me këshilltarin bashkiak Marco Lisei kontrolluan citofonat e dyerve të pallateve, duke vënë në dukje qiramarrësit e huaj. /tesheshi.com/
