Në mbarë Evropën, po përcillen ngjarjet rreth planeve të Katalonjës për referendumin e pavarësisë nga Spanja, që do të mbahet të dielën.
Analistët theksojnë se një pjesëmarrje e lartë në referendum dhe një shumicë e votave “pro” ndarjes mund të inkurajojë rajone të tjera me synime të ngjashme në Evropë, që do të sillte te një presion shtesë ndaj BE-së.
Megjithatë, shumica e liderëve evropianë nuk janë treguar të qartë dhe nuk janë shprehur publikisht në lidhje me referendumin e ardhshëm.
Mosprononcimi i BE-së lidhur me ngjarjet në Katalonjë shkakton dyshime të ndryshme, pasi liderët rajonalë i kanë kërkuar bllokut të ndërhyjë në lidhje me mosmarrëveshjet me Madridin.
Në përgjigje të kërkesës së rajonit për ndërhyrje, Komisioni Evropian përsëriti se referendumi ishte një çështje e brendshme e Spanjës dhe se respekton rendin kushtetues të atij vendi.
Ministrja e parë e Skocisë, Nikola Stardzhen, ka mbështetur referendumin të Katalonjës, por ka deklaruar në mënyrë të dykuptimshme se “është plotësisht legjitime që Spanja është kundër pavarësisë së rajonit të saj.
Ajo i tha parlamentit skocez gjatë javës se “e drejta për vetëvendosje është një parim i rëndësishëm ndërkombëtar” dhe shprehu shpresën se do të respektohet në Katalonia, por edhe në vende të tjera.
Zyrtarët nga rajoni belg i Flandrës mbështesin ankesat e Katalonjës për subvencionimin e pjesëve më të varfra të Spanjës.
Zyrtarët e krahut ekstrem të djathtë të Ligës Veriore kanë kundërshtuar arrestimet e fundit të udhëheqësve katalanas të urdhëruar nga qeveria qendrore në Spanjë. /tesheshi.com/
