Këngëtari i njohur amerikan Bruce Springsteen, gjatë një interviste për revistën Rolling Stone, i pyetur se çfarë mendimi ka për kandidatin republikan për president të SHBA-ve, ka thënë në thelb se republika është nën rrethim nga një i metë.
“E gjithë kjo situatë është tragjike, tragjike për demokracinë tonë. Kur ju filloni të flisni për zgjedhjet duke qenë të manipuluar, atëherë po i shtyni njerëzit përtej qeverisjes demokratike. Dhe kjo është një gjë shumë e rrezikshme. Mjafton që t’i mundësoni njëherë këtij shejtani të dalë nga shishja, dhe është vështirë të kthehet përsëri në të, nëse do të mund kthehet ndonjëherë. Idetë me të cilat ai po i drejtohet masës janë ide shumë të rrezikshme; po flasim për një nacionalizëm të bardhë.
“Unë besoj se ka një çmim që duhet paguar për mostrajtimin e kostos reale të deindustrializimit dhe globalizmit që ka ngjarë në SHBA gjatë 35-40 viteve të fundit, e faktit se në ç’masë ka ndikuar në jetët e njerëzve dhe në ç’masë i ka lënduar njerëzit, sa që dëshirojnë dikë i cili thotë se ka zgjidhje për këto probleme. Dhe Trump është përgjigje e thjeshtë për probleme komplekse,” ka shtuar Springsteen.
Ndërsa i pyetur për kandidaten demokrate, Hillary Clinton, Bruce është përgjigjur se i pëlqen ajo. “Mendoj se do të ishte presidente shumë e mirë,” ka thënë ai.
