Negociatori i Bashkimit Evropian për Brexit, Michel Barnier ka marrë dakortësinë e 27 vendeve anëtare për të intensifikuar negociatat me Mbretërinë e Bashkuar gjatë fundjavës së ardhshme, në përpjekje për të arritur një marrëveshje deri në takimin e BE, po javën e ardhshme.
Barnier foli me ministrin Britanik për Brexit, Stephen Barclay, dhe një zëdhënëse e Komisionit Evropian e quajti takimin “konstruktiv”.
Menjëherë pas takimit me Barclay, Barnier shkoi në një takim me ambasadorët e shteteve anëtare të Unionit, të cilët i dhanë dritën e gjelbër për të intensifikuar negociatat.
Pasi foli me Barclay, Barnier u tha gazetarëve, “Jini të durueshëm”.
“Brexit është si ngjitja në një mal. Ne kemi nevojë për vigjilencë, vendosmëri dhe durim”, tha Barnier.
Ende nuk dihet nëse Londra ka dalë me ndonjë propozim tjetër, por vendimi për intensifikimin e bisedimeve tregon se ka elementë të rinj për t’u diskutuar.
Presidenti i Këshillit Evropian Donald Tusk tha se ai duhet të përdorë mundësinë më të vogël për të arritur një marrëveshje me Britaninë e Madhe, në mënyrë që të shmanget një dalje kaotike nga BE. /tesheshi.com/
