Nëna e foshnjes palestineze 18- muajshe që humbi jetën në zjarrvënien e qëllimshme të ekstremistëve izraelitë në Bregun Perëndimor, gjatë korrikut, nuk i ka mbijetuar plagëve të marra.
Riham Daëabsha kishte pësuar djegie të rënda në 90 për qind të trupit gjatë sulmit mbi shtëpinë e saj në korrik, sulm i kryer nga të vendosurit izraelitë në territorin palestinez.
Djali i saj, Ali, 18-muajsh humbi jetën gjatë zjarrvënies, ndërsa bashkëshorti, Saad ndërroi jetë nga plagët e marra një javë më pas.
Incidenti nxiti zemërim ndërkombëtar, megjithatë deri më tani, asnjë i dyshuar për rastin nuk është arrestuar.
Shtëpia e familjes Daëabsha ishte një nga dy banesat në fshatin Duma të cilave iu vu flaka dhe u shënjuan me slogane të gjuhën hebraike, ku dallohej fjala “hakmarrje”.
Nga e gjithë familja që ra viktimë e urrejtjes, ka mbetur vetëm djali i parë i saj, që po trajtohet në spital.
Palestinezët kanë akuzuar të vendosurit hebrenj në territoret e Bregut Perëndimor si autorë të sulmit, por Izraeli nuk ka komentuar këtë pretendim, por vetëm thotë se po heton rastin. /tesheshi.com/
