Zv/ministri Braçe, doli si rrallë herë në një konferencë për shtyp, ku, dhe në emër të ligjit, u përbetua (në vetën e parë) të mos e falë atë media e cila prodhoi fake news-in e tërmetit të rënë në aksh orë, gjë që solli një situatë të pazakontë në Tiranë.
“Nuk kam ndërmend të fal ankthin dhe frikën e tejskajshme të prindërve, nuk kam ndërmend të fal mundin dhe stërmundimin e të moshuarve që mezor dje janë çuar nga shtrati, nuk bëjmë kompromis me atë që ka ndodhur dje”, tha numri 2 i qeverisë, duke shtuar: “Loja me lajmet e rreme në politikë është kthyer në sport, por loja me lajme të rreme do marrë fund tani ligjërisht”.
Siç dihet, lajmi doli nga Syri.net, një portal pranë opozitës, i përfolur se financohet nga Shkëlzen Berisha e që drejtohet nga gazetari që shkurt i thërrasin Çim Peka. /tesheshi.com/
