Polonia, Lituania, Hungaria janë kundërshtarët e përfaqësueses së Kosovës në basketboll në raundin e parë të eliminatoreve për botërorin “Kina 2019”.
Kjo u mësua sot në shortin që u hodh në Mynih të Gjermanisë, që fatmirësisht nuk i dha kundërshtarë shumë të fortë, pasi rrezikonte një grup me Spanjën, Malin e Zi dhe Slloveninë. Në këtë grup shkoi Bjellorusia.
Kosova me fitoret në shtëpi ndaj Maqedonisë e Estonisë ka siguruar gjashtë ndeshje shumë të forta, tri prej tyre në shtëpi.
Ndeshjen e parë Kosova e luan në nëntor, ndërsa të tjerat në shkurt dhe në qershor të vitit të ardhshëm.
Ndeshjet me Poloninë do të jenë emocionale për kapitenin e përfaqësueses së Kosovës, Dardan Berisha, i cili më parë ka luajtur për këtë kombëtare. /tesheshi.com/
