“Kosovën tani nuk mund të njohim, por do të bëjmë jetën dhe komunikimin më të lehtë”, ka thënë ministri i Punëve të Jashtme të Bosnjës dhe Hercegovinës, Igor Crnaak në një intervistë për AA.
Ai theksoi se Presidenca e Bosnjës dhe Hercegovinës është në krye të politikës së Jashtme, ndërsa Ministria e Jashtme e BeH e zbaton atë.
“Ne jemi të gatshëm për të bërë jetën sa më normale për njerëzit që jetojnë atje. Ta bëjmë atë komunikim në aspektin e udhëtimit dhe çdo lloj tjetër të komunikimit më të lehtë për të gjithë. Megjithatë, gjithçka do ta bëjmë me kujdes dhe në një komunikim të ngushtë me Serbinë. Në parim, dëshira jonë është të mbajmë marrëdhënie të tilla. Me respektimin e qëndrimit të Serbisë do të bëjmë gjithçka që jeta normale, e zakonshme, e cila është jashtë politikës së lartë për njerëzit e zakonshëm të jetë sa më normale”, ka thënë Ministri i Punëve të Jashtme të BeH.
I pyetur nëse kjo do të thotë se Bosnja dhe Hercegovina me Kosovën do të arrijnë marrëveshje të ngjashme siç bëri Serbia në aspektin e liberalizimit të vizave, Crnadak u përgjigj: “Do të shohim se çfarë do të ndodhë, mos të gjykojmë para kohe. Ajo çfarë kemi tashmë është rregulluar, është që qytetarët e Kosovës të mund të vijnë normalisht me vizat e lëshuara. Do të kërkojmë zgjidhje së bashku me partnerët tanë, fqinjët nga Beogradi që kjo të jetë në gjurmët e një qasjeje të përbashkët që nuk do të prishë marrëdhëniet, dhe do të përmirësojmë jetën e njerëzve për të cilët kjo është e rëndësishme”, theksoi Crnadak.
– Prioritet janë BE-ja dhe fqinjët –
Hyrja në fuqi e Marrëveshjes së Stabilizim Asocimit (MSA) me Bashkimin Evropian, për Bosnjën dhe Hercegovinën, – vlerësoi Crnadak, është pothuajse lajmi më i mirë kur është në pyetje perspektiva evropiane e vendit.
“Procesi ynë i integrimeve evropiane tashmë është një kohë shkon para. Mendoj se kjo duhet përgëzuar, që Bosnjës-Hercegovinës i është zgjatur dora përsëri. Sigurisht, shumë qartë na është thënë dhe atë do të dëgjojmë edhe në periudhën e ardhshme, që kjo është vetëm një shans, dhe që kjo nuk është punë e mbaruar”, tha Crnadak, duke theksuar se përfundimisht nga BeH pritet të vijnë detyrat dhe premtimet që do t’i përmbushim.
I pyetur nëse gjatë mandatit të qeverisë aktuale në dhe nga BeH mund të pritet, lajmi i dytë pozitiv – statusi i kandidat i BeH në BE, ai thotë:
“Shpresoj se kjo do të ndodhë. Është ende herët për vlerësime të sakta se kur do të ndodhë kjo. Por, do të punojmë maksimalisht në këtë vit për të dhënë ndonjë vlerësim atëherë para Vitit të Ri 2016”, theksoi Crnadak.
Ministri i Jashtëm i BeH theksoi se marrëdhëniet me fqinjët janë shumë të rëndësishme. Ato, siç thekson Crnadak, janë prioritet jo vetëm pasi është kusht i integrimeve evropiane, por pasi që ashtu duhet edhe të jetë.
“Do vazhdojmë me forcimin e marrëdhënieve. Jemi duke caktuar datat e takimeve të mija me zonjën Pusiç dhe zotin Daçiç. Ne me të vërtetë në plan të parë do të kemi Beogradin dhe Zagrebin. Përveç kësaj, Malin e Zi dhe Slloveninë dhe disa vende tjera fqinje që kanë bërë shumë që ne të marrim mbështetjen për integrimin evropian”, -tha Crnadak.
Ai theksoi se pyetjet e shpeshta paraqiten edhe në lidhje me marrëdhëniet me Turqinë, Rusinë, Kinën dhe disa vende të tjera në dritën e përkushtimit të BiH, që Bashkimi Evropian të jetë në plan të parë.
“Përgjigja është shumë e thjeshtë: Sigurisht Bashkimi Evropian mbetet prioritet, por edhe rëndësia e bashkëpunimit me vendet e tjera, me të cilat ne mund të kemi një përfitim të përbashkët. Turqia është një nga ato vende dhe natyrisht unë pres se këtë plan në veçanti, në plan të biznesit, në aspektin e forcimit të bashkëpunimit të mëtejshëm ekonomik, gjërat do të vazhdojnë të përmirësohen. Pres që Turqia të luajë një rol konstruktiv”, deklaroi Crnadak.
