Bomba e 15-të e përgjimeve pati në shënjestër shefin e drejtorisë për Zbulim dhe Kundërzbulim, Sasho Mijallkov, i cili sipas kryeopozitarit Zoran Zaev, ka detyruar në forma të pandershme një kompani izraelite që të blejë nga ata pajisje për policinë sekrete.
Siç theksoi Zaev, në cilësi të negociatorit, Mijallkov kishte caktuar Svetllana Kostovskën, të cilës së herët i kishte kryer shërbim duke e emëruar gjykatëse, ndërsa nga pala izraelite, negciator kishte qenë Haim Hakeini.
Vetëm për fillim të negociatave, Mijallkov kishte kërkuar 500 mijë euro ryshfet tw kushtëzuar, ndërsa në bisedat e shpalosura nga përgjimet, për të cilat Zaev tha se janë mes Mijallkovit dhe mikes së tij Kostovska, qytetarët dëgjuan dy herë nga 900 mijë dhe 840 mijë euro, shuma këto ryfshet, si përqindje detyruese për aferën në fjalë .
“Janë dhënë 14 milionë euro para të qytetarëve, që Gruevski dhe Mijallkov të keqpërdorin ato pajisje për t’i futur në shtëpitë tona. Janë këto skandale që nuk duhet të përsëriten në të ardhmen”, tha Zaev.
I pyetur të komentojë paralajmërimet e kryeministrit Gruevski, i cili disa herë me radhë ka thënën se ekziston mundësia që të rrezikohen marrëdhëniet ndëretnike, Zaev tha se i tërë populli mori guximin dhe u zgjua, që është nga arsyet për guximin dhe vendosmërinë e tij.
“Njëra nga arsyet më të mëdha e cila më jep më tepër forcë dhe fuqi, është ndjenja për unitet ndëretnik në Maqedoni. Konfliktin ndëretnik do ta mbrojnë të gjitha bashkësitë etnike, nëse ndokujt i shkon ndërmend të krijoj situata të tilla në Maqedoni”, deklaroi Zaev. /tesheshi.com/
