Ish kryeredaktori i Alsat-M në një intervistë për gazetën ‘Fokus’ ka shpalosur shumë detaje për largimin e tij nga ky televizion që kishte kontribuar në ngritjen e tij për 10 vite. Ai veçse shpjegoi se është larguar me presion të BDI-së dhe VMRO-së, mes tjerash ka treguar se cilët ministra shqiptarë ky televizion i ka mbrojtur dhe kanë qenë të privilegjuar nga ‘Alsat-M’.
“Janë shumë persona, që kanë pasur status special në ‘Alsat’. Mund të them hapur dhe ata janë si Musa Xhaferi, Fatmir Besimi, Bekim Neziri, Nurhan Izairi edhe lideri Ali Ahmeti”,- ka thënë për ‘Fokus’ ish kryeredaktori i ‘Alsat-M’, Zeqiri.
Muhamed Zeqiri është larguar nga Alsat-M, ndërsa ka deklaruar se do të vazhdojë të jetë gazetar por jo në shërbim të BDI-së dhe VMRO-së në Alsat-M./tesheshi.com/
